சுவர்க்கோழி

எழுதுவதை சமூகக் கடமையாக கருதுகிறவன் நான். எனது கருத்துருக்கள், அரசியல் மற்றும் பார்வைகள் மனித சமுதாய வரலாற்றின் நெடிய பக்கக்களில் இருந்து இரவல் பெறப்பட்டவை. அவற்றை எனது மொழியில் எனக்குப் பிடித்த ரகங்களில் எழுதுகிறேன். நிறைய பேர்களால் படிக்கப்பட வேண்டும் என்றும் விரும்புகிறேன்.

புதன், 28 ஜூலை, 2010

ஒதுங்கியும் பதுங்கியுமென்ன?

யாருக்காகவோ தயாரிக்கப்பட்ட தூக்கு மேடையில்
நீங்கள் ஏற்றப்படலாம்.

யாருக்காகவோ சுடப்பட்ட தோட்டா
உங்களைத் துளைக்கலாம்.

யாருக்காகவோ வீசப்பட்ட கொடுவாள்
உங்கள் இதயத்தை கிழிக்கலாம்.

யாருக்காகவோ வெட்டப்பட்ட சவக்குழியில்
நீங்கள் கிடத்தப்படலாம்.

யாருக்கோவானது நமக்கும் என்கிற போது
ஒதுங்கியும் பதுங்கியுமென்ன?

ஒரே குரலெடுப்போம்.